Автомобил удри во 76-годишна жена во Велес, со тешки повреди е пренесена во болница

Седумдесет и шестгодишна жена од Велес се здобила со тешки телесни повреди откако во неа удрил автомобил на една од градските улици.

— реклама —

Од Министерството за внатрешни работи информираат дека на 14 јули 2026 година, во 09:20 часот, на улицата „Благој Ѓорев“ во Велес, патничко возило „мерцедес“ со велешки регистарски ознаки, управувано од Р.И. (41) од селото Горно Јаболчиште, општина Чашка, удрило во 76-годишната Љ.Н. од Велес.

— реклама —

— реклама —

Во несреќата жената се здобила со тешки телесни повреди, кои биле констатирани во Општата болница во Велес.

— реклама —

По овластување на јавен обвинител, увид на местото на несреќата извршила увидна екипа на СВР Велес.