Осумдесет и четиригодишна жена се здобила со тешки телесни повреди откако во неа удрил автомобил на улицата „Јане Сандански“ во Охрид, информира Министерството за внатрешни работи.
Несреќата се случила на 6 јули во 21:12 часот, кога патничко возило „Хјундаи“ со охридски регистарски ознаки, управувано од С.Д. (74) од Охрид, удрило во пешакот М.Т. (84), исто така од Охрид.
Од ударот, 84-годишната жена се здобила со тешки телесни повреди, кои биле констатирани во Специјалната болница „Св. Еразмо“ во Охрид.
Увид на местото на несреќата извршила увидна екипа на СВР Охрид.
