Автомобил удрил во 22-годишен пешак во тетовско и избегал од местото на несреќата

Дваесет и двегодишен пешак од тетовското село Брвеница се здобил со тешки телесни повреди откако во него удрило патничко возило, чиј возач го напуштил местото на несреќата.

— реклама —

Како што информира Министерството за внатрешни работи, случајот бил пријавен на 23 јули во 08:01 часот во СВР Тетово. Несреќата се случила во селото Брвеница, каде патничко возило удрило во 22-годишниот К.Ј., по што возачот избегал.

— реклама —

— реклама —

Повредениот бил пренесен во Клиничката болница во Тетово, каде му биле констатирани тешки телесни повреди.

— реклама —

Увид на местото извршила увидна екипа на СВР Тетово, а полицијата презема мерки за пронаоѓање на возачот и за целосно расчистување на случајот.