Лидерот на ДУИ, Али Ахмети, вечерва во „Отвореното студио“ на 1ТВ рече очекува поголема излезност во вториот круг од претседателските избори в недела.
– Ова е првпат најголемата албанска и македонска партија да имаат заеднички претседателски кандидат. Не беше лесно. Сакаме во нашата држава да се инсталира рационалноста. Интересите на државата не соединуваат. Не беше лесно за ДУИ, и овој процес беше отежнат од кандидатурата на еден друг албански кандидат. И луѓето беа во дилема дали да гласаат за етнички Македонец или етнички Албанец. Иако се знаеше дека албанскиот кандидат не може да победи, кампањата го направи своето – рече Ахмети.
Тој вели дека излезноста на гласачите на ДУИ било задоволително и тој е задоволен со оваа излезност.
Според неговата проценка, над 50 илјади гласови од албанското гласачко тело ги добил Пендаровски.
Ахмети даде свој коментар и за истакнувањето на знамето на Самоиловата тврдина. Тој овој чин го оцени како емотивен момент на оние кои го направиле тоа. Според Ахмети воопшто не требало да бидат казнети сторителите, затоа што на тој начин и се придава поголема важност на работата отколку што е.