Ахмети на чекор да биде претседателски кандидат, се огласи и Груби

Артан Груби со објава во која пишува „Само Али Ахмети‼️“, се чини дека го најавува претседателскиот кандидат на ДУИ за претстојните избори. Иако во јавноста кружеше името на Бујар Османи како кандидат, сепак, се поизвесно е дека трката ќе ја трча Ахмети. Одлуката е скоро дефинитивна, откако албанската опозиција се обедини и кажаа дека со Арбен Таравари како кандидат ќе го поразат ДУИ.

— реклама —

— реклама —

— реклама —

Засега официјална потврда дека Ахмети ќе биде кандидат на ДУИ за претседател - нема. Но извесно е дека тој им покажува „мускули“ на албанските политички партии кои себеси се нарекуваат „анти-ДУИ“ и најавија прв пораз за паријата која е скоро 20 години на власт.

— реклама —

Извесно е дека самостоен кандидат на изборите ќе има СДСМ, како и ВМРО-ДПМНЕ. Има најава и за независни кандидати, кои треба да соберат потписи за кандидатура.