„Бомбите“ објавени од Шеќерим Ахмети, познат како „Ел Чека“ и понатаму се објавуваат на интернет. Во повеќето се слуша гласот на Али Ахмети и Муса Џафери. Лидерот на ДУИ денеска за прв пат зборуваше за „Ел Чека“, за кој вели дека не го познава, објави Tv21.
-Не, од каде да го познавам-рече Ахмети.
Ахмети рече дека не ги слуша „Бомбите“ и дека со тоа треба да се занимаваат надлежните органи.
-Јас не сакам да слушам некој кој направил некоја шега почнувајќи од мене во прислушувањата кои се случија. Не сум ги слушнал, ниту ги слушам бидејќи овде има органи и ние побаравме да се отвори истрага. Не да се користат и злоупотребат на црниот пазар прислушуваните материјали кои се продале на Бит Пазар, Софија, Истанбул, Урошевац, Приштина, за да видат што зборувале приватно.-вели Ахмети.
