Бизнисменот Зоран Азманов во интервју за „Инфомакс“ вели дека е иритиран бидејќи приватни снимки од Катица Јанева биле дадени на Бојан Јовановски познат како Боки 13, кого бизнисменот го обвини дека му барал рекет.
-Јас сум иритиран тоа што Катица Јанева му давала приватни мои снимки, бидејќи бизнис снимки нема за мене, бидејќи никогаш не сум работел со државата, ниту пак сум имал телефонски разговори со финкционери, вели Азманов за Инфомакс.мк
-Катица Јанева и СЈО го избравме да брка криминал, а не да поддржува криминал, вели Азманов.
Азманов запраша зошто се забрани претресот во станот на Јанева? Бидејќи како што вели тој ќе се биле најдени доказите за целиот случај.
– Да се забрани да се направи претрес во станот на Катица Јанева да не се најдат парите што се земени како рекет. Бидејќи тие пари Боки не ги земал само за себе, дел навистина останале кај него, меѓутоа најголем дел продолжиле и се најверојато во станот. Бидејќи она не смее да ги стави на трансакциска сметка, бидејќи Антикорупциска одма ќе ги види. Тие во кеш се движат пари. Зашто се забрани станот на Катица Јанева да не се претресува, за да не се најдат доказите од тој криминал? – прашува Азманов.