Бака Прасе лажел дека е приведен: Ќе добие кривична пријава за ширење паника, вели српското Вишо јавно обвинителство

По извршените проверки во врска со тврдењата објавени на социјалната мрежа Инстаграм, на профилот „bakaprase“, за „одведување на Б.И. од страна на маскирани лица“ и негово апсење поради поврзаност со „Алта банка“, Вишото јавно обвинителство во Белград и полициските службеници од Полициската станица Савски венац утврдиле дека станува збор за лажни тврдења, соопштиле од ВЈТ за Нова.рс.

Во воспоставената комуникација со полицијата, Б.И. објаснил дека ги објавил овие тврдења затоа што снима „клип“ што ќе го објави на својот YouTube-канал.

— реклама —

Сепак, имајќи предвид дека со објавувањето лажни информации на својот профил на Инстаграм Б.И. ширел паника во јавноста, против него ќе биде поднесена кривична пријава до Посебното одделение за борба против високотехнолошки криминал при Вишото јавно обвинителство во Белград, поради кривичното дело предизвикување паника и нереди, пишува Нова.рс.

— реклама —

Да потсетиме, на Инстаграм-профилот на јутјуберот Богдан Илиќ, познат како Бака Прасе, беше објавено дека е приведен и дека ќе биде задржан 48 часа. Објавата беше потпишана како „Тимот на Бака Прасе“, а во неа се наведуваше дека информацијата ја добил адвокатот на Илиќ.

Во истата објава, тимот на Илиќ ја спомена и наводната поврзаност со случајот „Алта банка“ и тврдеше дека Илиќ се доведува во врска со сомневања за перење пари.

— реклама —

Од Вишото јавно обвинителство во Белград претходно денеска за Нова.рс соопштиле дека на полицијата ѝ било наложено итно да ги провери тврдењата дека Илиќ бил одведен од маскирани лица.

— реклама —

По проверката било утврдено дека станува збор за лажни тврдења.

Бака Прасе поврзан со сомневања за перење пари во случајот АЛТА банка, неговиот тим демантира

Познатиот српски јутјубер Богдан Илиќ, познат како Бака Прасе, е приведен и ќе биде задржан 48 часа, соопшти неговиот тим преку официјалниот профил на Инстаграм.Во истата објава, тимот на Илиќ ја споменува наводната поврзаност со случајот на АЛТА банка и тврди дека Илиќ се доведува во врска со сомневања за перење пари. Неговиот тим ги отфрла овие наводи и тврди дека Илиќ не се занимавал со незаконски активности.Претходно, на официјалниот профил на инфлуенсерот беше објавена информација дека тој

Свет | пред 1 час