Викендов можни прекини и ограничувања на платежните трансакции

Граѓаните и компаниите треба навреме да ги планираат своите плаќања, бидејќи во текот на претстојниот викенд се можни привремени прекини и ограничувања на дел од банкарските услуги.

— реклама —

Македонската банкарска асоцијација информира дека на 7 и 8 ноември сите банки ќе вршат технички прилагодувања на своите системи поради воведувањето нови стандарди во денарскиот платен промет, кои почнуваат да се применуваат од понеделник, 9 ноември.

— реклама —

Ограничувањата главно ќе се однесуваат на платежните трансакции, а секоја банка одделно ќе ги објави точните термини, услугите што ќе бидат засегнати и времетраењето на евентуалните прекини. Од Асоцијацијата ги повикуваат корисниците навреме да ги завршат планираните плаќања и да ги следат известувањата од своите банки.

— реклама —

Од понеделник почнува примената на новите платни налози, шифрите за целта на плаќањето и користењето платежни сметки во ИБАН-формат. Постојните броеви на сметките остануваат непроменети, а банките автоматски ќе го приспособат нивното прикажување во новиот формат во електронското и мобилното банкарство.

— реклама —

Од Македонската банкарска асоцијација појаснуваат дека станува збор за однапред планирани технички активности, кои се дел од процесот на модернизација на националниот платен промет.