Бегал од полицијата, па удрил во ѕид и службено возило: 20-годишникот бил баран за две години казна затвор

Полициски службеници во скопското село Морани привеле 20-годишник од Студеничани, кој бил баран за издржување двегодишна затворска казна.

Инцидентот се случил вчера околу 17:25 часот, кога припадници на Единицата за интервентна полиција при СВР Скопје, постапувајќи по судска наредба, го привеле Б. А.

— реклама —

Претходно, тој управувал автомобил „Фолксваген Голф“ со скопски регистарски ознаки и не застанал на знак за запирање даден од полициски службеници. Набргу потоа, со возилото удрил во бетонски ѕид, а при движење наназад удрил и во службено возило „Шкода Јети“ во сопственост на МВР.

— реклама —

По приведувањето биле извршени дополнителни проверки, при што било утврдено дека 20-годишникот бил баран за издржување затворска казна во траење од две години за кривични дела по член 292 и член 288 од Кривичниот законик.

— реклама —

Лицето ќе биде спроведено во надлежната казнено-поправна установа, каде што треба да ја издржува изречената казна.