Тетовец бил лишен од слобода откако полицијата при преглед кај него пронашла и одзела бела прашкаста материја.
Од МВР информираат дека на 8 септември 2026 година, во 20:25 часот, на улицата „Боро Вулиќ“ во Тетово, полициски службеници од СВР Тетово го лишиле од слобода Р.А. (35) од Тетово.
При извршениот преглед кај 35-годишникот била пронајдена и одземена бела прашкаста материја.
Тој бил задржан во полициска станица, а по целосното документирање на случајот против него ќе следува соодветен поднесок.
