Белa прашкаста материја пронајдена во возило во Тетово, приведени двајца

Двајца жители на Тетово се лишени од слобода откако полицијата при преглед на возило во Тетово пронашла и одзела бела прашкаста материја.

Од МВР информираат дека на 13 август во 23:20 часот, на улицата „Иво Рибар Лола“, полициски службеници од СВР Тетово ги лишиле од слобода А.С. (43) и С.М. (42).

— реклама —

Тие се наоѓале во автомобил „мерцедес“ со германски регистарски ознаки. Возилото го управувал А.С., додека С.М. бил сопатник.

— реклама —

При извршениот преглед, полицајците пронашле и одзеле бела прашкаста материја.

— реклама —

Двајцата биле задржани, а по целосното документирање на случајот ќе следува соодветен поднесок.