Белата куќа: Ништо не е конечно, преговорите со Иран продолжуваат

Белата куќа соопшти дека двонеделниот прекин на нападите на Блискиот Исток претставува „работна основа за преговори“, но нагласи дека нема конечен договор.

— реклама —

Портпаролката Каролин Левит изјави дека преговорите со Иран продолжуваат и дека се разгледува можноста за директни разговори, но додаде дека „ништо не е конечно додека тоа не го објави претседателот или Белата куќа“.

— реклама —

Претходно, Доналд Трамп најави наредните две недели да запрат нападите, условени со повторно отворање на Ормутскиот теснец, на што Техеран се согласи во рамки на прекинот на огнот.

— реклама —

Од Белата куќа оценуваат дека токму притисокот од САД и воената моќ довеле до оваа согласност, но потенцираат дека процесот е во тек и исходот сè уште не е дефиниран.

— реклама —

И покрај привременото смирување, ситуацијата останува неизвесна, а следните чекори ќе зависат од исходот на дипломатските разговори.