Синот на славниот актер Бен Афлек, 10-годишниот Семјуел, деновиве му зададе доста главоболка на својот познат татко. Имено, момчето се „пробувало“ зад воланот на ламборџини на татка си во Лос Анџелес, кога случајно се судрило со БМВ кое било паркирано зад него. Десетгодишниот Семјуел се упатил со својот татко и неговата девојка, пејачката и актерка Џенифер Лопез во продавница за луксузни автомобили, а во еден момент Афлек му дозволил на својот син да седне на возачкото седиште додека бил вклучен моторот на неговото жолто Ламборџини.
Семјуел потоа во еден момент „стави рикверц“ и автомобилот го допре предниот дел на белото БМВ кое беше паркирано зад него. Семјуел беше на возачкото место со отворена врата, додека неговиот татко Афлек беше помеѓу вратата и возачкото седиште, а Лопез седеше зад Семјуел на страната на возачот. По контакт со друго возило, Афлек отишол да види што точно се случило, а од автомобилот излегол и неговиот син.
Кога утврдиле дека штетата не е страшна, актерот го гушнал синот додека Џенифер го држела за рака и си заминале. Портпаролот на познатиот актер за порталот ТМЗ изјавил дека немало никаква штета и дека двете страни се задоволни и дека немало никакви проблеми.
Семјуел е најмалото дете на Бен Афлек и поранешната сопруга Џенифер Гарнер, а заедно имаат и две ќерки – 13-годишната Серафина и 16-годишната Вајолет.
