Најниска утринска температура денеска е измерена во Берово, каде живата во термометарот се спушти до -6 степени Целзиусови, покажуваат податоците од метеоролошките мерења.
Во повеќе градови температурите биле под нулата. -3 степени се измерени на Попова Шапка, во Лазарополе, Маврови Анови и Битола, додека -2 степени се регистрирани во Струмица, Крива Паланка и Крушево.
Минус еден степен е измерен во Претор и Гевгелија, додека нула степени се регистрирани во Прилеп, Скопје-Петровец, Тетово, Демир Капија, Охрид и Велес.
Во изминатите 24 часа врнежи се забележани на Попова Шапка со 3 литри на метар квадратен, како и во Тетово и Пожаране со по 1 литар на метар квадратен. На Попова Шапка има и снежна покривка од 65 сантиметри.
Времето денеска ќе биде сончево со мала до умерена локална облачност. Ќе дува слаб до умерен ветер од југоисточен правец, а максималната температура ќе се движи од 12 до 18 степени.
Во Скопје времето ќе биде сончево со мала до умерена облачност и слаб до умерен ветер од југоисточен правец, со максимална температура до 17 степени.
