По повод годишнината од катастрофалниот земјотрес што го погоди Скопје во 1963 година, Град Скопје организира бесплатен панорамска тура на главниот град.
Турата ќе се реализира со панорамски автобус, а граѓаните ќе ги води професионален туристички водич од Македонската асоцијација на туристички водичи и придружници. Посетителите ќе имаат можност да дознаат како изгледало Скопје пред земјотресот, да слушнат приказни за разрушените објекти и да се запознаат со местата што го обликувале некогашниот изглед и дух на градот.
Поаѓањето е закажано за во сабота во 10:00 часот од Порта „Македонија“, а заинтересираните можат да се пријават на телефонскиот број +389 71 250 419.
Од Град Скопје велат дека целта на настанот е да се зачува сеќавањето на трагичниот настан и да се пренесе приказната за градот на идните генерации.
