Над 20 илјади граѓани закажале термин за вакцинација од сезонскиот грип во трите поликлиники: Букурешт, Чаир и Ѓорче Петров, информираат од Министерство за здравство. Но и покрај оваа бројка на граѓани кои веќе си зафатиле термин, заинтересиранота на граѓаните за вакцини е голема, а бесплатни векцини повеќе нема. Комерцијалните пак чинат 650 денари.
Од Министерството за здравство смируваат – вакцини има. Додаваат дека до вчера за бесплатна вакцинација се пријавиле 20.069 граѓани и нагласија дека наскоро треба да пристигнат нови дози, по што ќе има и нови термини.
„Во понеделник следува нов пресек со состојбата за закажаните термини за бесплатна вакцинација и ќе се пуштат сите останати термини. Здравствените установи се добро организирани и има одзив од граѓаните за вакцинација. Во моментов има доволно колични на вакцини за сите оние кои сакаат бесплатно да се вакцинираат. Дополнително, треба да пристигнат и 14,400 дози од вакцините.“ – Министерство за здравство.
Минатата година властите обезбедија 20.000 бесплатни вакцини, но овојпат заинтерисираноста е поголема.
