СВР Охрид поднесе кривична пријава против 60-годишниот З.Н. од Волино и 43-годишниот И.М. од Мешеишта, двајцата од Општина Дебрца, поради сомнение за несовесно работење во службата.
Според МВР, во текот на 2024 година првопријавениот, во својство на градоначалник на Општина Дебрца, со пропуштање на должен надзор и несовесно постапување при извршувањето на службените овластувања, потпишал одобренија за изградба на фотоволтаични панели за правно лице од Скопје.
Од полицијата наведуваат дека тој го направил тоа иако знаел дека компанијата не ја поседувала целокупната потребна документација издадена од надлежните институции.
Одобренијата биле изготвени од второпријавениот И.М., кој во тој период бил раководител на Одделението за урбанизам и јавни дејности во Општина Дебрца.
По целосното документирање на случајот, надлежните институции ќе постапуваат во рамките на законската процедура.
