Без возачка дозвола или под дејство на алкохол: уапсен 21 возач

Во текот на изминатото деноноќие полицијата на различни локации низ државата лишила од слобода 21 возач, додека со уште едно лице бил извршен службен разговор поради сомнение за сторено кривично дело „безобѕирно управување возило“.

— реклама —

Од приведените, 11 лица управувале возила без положен возачки испит. Меѓу нив се Н.М. (41) од Сарај, А.Р. (25) од Батинци, Х.Ш. (35) од Неготино, Гостиварско, 16-годишник од Видуше, Општина Маврово и Ростуше, А.С. (31) од Ковач, Македонски Брод, А.Д. (32) од Корошишта, Ќ.С. (62) од Градско, како и Е.Ј. (27), Е.Д. (43) и Н.Ј. (22) од Скопје. Кај Н.Ј. било утврдено и пречекорување на дозволената брзина.

Од ОВР Пробиштип, пак, во присуство на родител, бил извршен службен разговор со 16-годишник од Приковци, Кратовско, кој управувал мопед без возачка дозвола.

— реклама —

Полицијата лишила од слобода и 10 лица кои управувале возила под дејство на алкохол. Станува збор за Д.Д. (39) од Кумановско, С.К. (40) од Ињево, Радовишко, Г.И. (31) од Дулица, Македонска Каменица, О.В. (27) од Македонска Каменица, М.У. (44) од Кичево, Д.М. (24) од Брвеница, Тетовско, З.С. (54) од Скопје, Н.З. (64) од Битола, А.Н. (46) од Прилеп и С.Ј. (66) од Селце, Прилепско.

— реклама —

Дополнително, В.Д. (37) од Македонски Брод бил затекнат како управува патничко возило и покрај активната забрана за управување возило од Б категорија.

По целосното документирање на случаите, МВР најавува поднесување соодветни кривични пријави.

— реклама —

Од Министерството апелираат до сите учесници во сообраќајот да ги почитуваат правилата и прописите и да не управуваат возила без положен возачки испит, под дејство на алкохол или за време на изречена забрана за управување.