Машко безживотно тело претпладнево е пронајдено на Шар Планина. Увид на местот веднаш направиле полициски службеници од Тетово, кои со хеликоптер заминале до местото.
Според пријавата, станува збор за тешко пристапен терен во реонот на врвот Кобилица.Хеликоптерот го пренел телото до Институтот во рамки на Клиничкиот центар во Скопје околу 15 часот.
По наредба на тетовското Обвинителство, телото ќе биде предадено на обдукција во Институтот за судска медицина во Скопје.
фото: ТВ 21
