Билбордот кој требаше да биде нашата визит-карта, заврши онаму каде што припаѓаат сите вакви „ремек-дела”-на буниште, вели Цаневска

Катерина Цаневска, член на Советот на Град Скопје, остро реагираше за билбордот кој беше поставен на влезот на Скопје.

Според Цаневска, билбордот, кој требаше да биде новата визит-карта на главниот град, завршил „онаму каде што припаѓаат ваквите ремек-дела – на буниште“.

— реклама —

„'Скопје 2026': Град во кој коњите имаат пет нозе, а администрацијата – ниту една (визија). Успеавме да го срушиме рекордот, со помош на вештачката интелигенција го прескокнавме и законот за физика и биологија.

Билбордот „Добредојдовте во Скопје“, кој требаше да биде нашата нова визит-карта, заврши онаму каде што припаѓаат сите вакви ,,ремек-дела”-на буниште. Толку од првото дело од „Скопје 2026”. И тоа само неколку дена откако го видовме Букефал како самоуверено чекори на пет нозе, веројатно за да биде постабилен.

— реклама —

Најтажно во целата приказна не е што некој платил наши пари за „дизајн“ од рангот на првоодделенец, тажно е што никој не се ни потруди да погледне што е испечатено пред да се крене на билборд. Но, зошто да се заморуваме со факти, кога можеме да им веруваме на алгоритмите и веднаш да се искористи за ПР.

— реклама —

Сепак, да бидеме фер: билбордот беше најточниот приказ на Скопје досега. Искривен, нелогичен, измислен и целосно отсечен од реалноста.

Барем да ни биде ова добра лекција“, наведува Цаневска.