Австралискиот тенисер Алекс де Минор автоматски се пласираше во третото коло на Ролан Гарос.
Алекс де Минор во првото коло убедливо го совлада Тоби Семјуел, а во второто коло продолжи понатаму без борба.
Неговиот противник, белгискиот тенисер Александар Блокс, беше принуден да го предаде мечот уште пред да започне.
Блокс неколку часа претходно објави дека мора да се повлече од турнирот пред да излезе на теренот во Париз.
Белгиецот потоа на социјалните мрежи објасни дека заработил повреда на скочниот зглоб поради церадите поставени на крајот од теренот, кои биле свиткани и подготвени да го покријат теренот во случај на дожд.
Многу тенисери и претходно изразувале загриженост поради опасноста што ја претставуваат тие церади, а пред неколку години и Давид Гофан доживеа повреда на скочниот зглоб од слична причина.
Останува да се види дали овој инцидент ќе доведе до промени во организацијата и безбедноста на терените на Ролан Гарос.
