Богоев се пофали со запленети 71 килограми марихуана на Деве Баир, германец во специјални бункери се обидел да ја прошверцува

Стефан Богоев, новиот директор на Царинската управа, на фејсбук се пофали за поголема заплена на марихуана.

„Вчера во вечерните часови царинските службеници на граничниот премин Деве Баир спречија обид за шверц на околу 71 килограм марихуана.

— реклама —

— реклама —

Имено, на 18.06.2023 година на граничниот премин Деве Баир на излез од државата се пријавило патничко моторно возило со германски регистарски таблички, управувано од германски државјанин со кој патувало уште едно лице. При детална контрола на возилото извршена од страна на царинските службеници, во специјално направени бункери откриени се 67 пакети опојна дрога марихуана, со бруто тежина од 71 килограм.

— реклама —

Дрогата и возилото се привремено задржани, а од страна на Секторот за контрола и истраги од Царинската управа против лицата е поднесена кривична пријава до надлежното Основно јавно обвинителство“ напиша тој на Фејсбук.