Бојан Јовановски во судница презентира докази со кои сака да покаже на судот дека неговата облека не е купувана со пари од рекет. Тој додека презентираше фотографии од неговиот инстаграм профил, присутен во судницата кивна. На ова изреагира Боки 13.
„Уште да ме заразите“, искоментира Јовановски на што сите во судницата се смееја. Рочиштето за случајот „Рекет“ ќе продолжи утре со изложување материјални докази предложени од адвокатите на поранешната шефица на СЈО, Катица Јанева, која е второобвинета во случајот.
На 23 март, пак, пред судот треба да се појават дел од поранешните колеги на Јанева, како сведоци предложени од одбраната. Ќе сведочат обвинителите Ленче Ристоска, Трајче Пеливанов, Фатиме Фетаи и Гаврил Бубевски.
фото: Архива
