Бојан Јовановски познат како Боки 13 е повикан да даде исказ пред обвинителката Вилма Русковска за случајот „Рекет“ каде е првоосомничен, дознава „Скопје 1.мк“ од извори во одбраната. Тој ќе треба да биде спроведен од затворот „Шутка“ до Обвинителството за организиран криминал, за Русковска да проба да извлече повеќе информации од него, а пред се, да се открие каде се милионите земени од оштетениот Орце Камчев.
Според истрагата, наводно бизнисменот Орца Камчев на Јовановски и на Кичеец им дал 1,5 милиони евра за да го спасат од кривичен прогон за случајот на СЈО, „Империја“, во кој Камчев ја има улогата на осомничен, а според обвинителството, и Јанева била дел од пазарот.
