Профилот на Боки 13 на Инстаграм по подолго време е повторно активен. Профилот го води администратор кој последниве денови објавува фотографии од Бојан. На последната слика, Бојан се поздравува со својот татко во судот, а рацете му се врзани со лисици. Во објавата, Бојан вели дека лисиците ги доживувал како дел од стајлингот и дека тоа што ги носел не го понижило.
„Секогаш ги почитував правилата и протоколите на затворската полиција, па согласно истите, при секое спроведување во суд или каде било надвор од установата бев со лисици на рацете (како и на оваа фотографија во судот каде пробувам да се поздравам со татко ми и со мојот другар, брат, пријател). За голите сензационалисти тоа беше рај за очи, ‘Боки ‘педерот’ со лисици на раце’. Мислеа дека со лисиците на раце ќе ме понижат повеќе, но се зезнале, бидејќи јас секогаш лисиците ги доживував како дел од мојот стајлинг па ги ставав во модна функција (искрено, не се баш пријатни, но што се мора не е тешко). Па затоа еден совет, пред да впериш прст во некого, провери дали твоите раце се чисти. Моите се чисти со лисици и без нив. А, да, во мене вперија прсти баш оние со највалкани раце и лепливи прсти“, стои во пораката на Бојан.
