Боксерот Ален Рустемовски освои прво место на турнирот во Сараево

Македонскиот боксер Ален Рустемовски оствари голем успех на меѓународниот боксерски турнир „Мустафа Талијан“ во Сараево, каде што го освои првото место и беше прогласен за најдобар техничар на турнирот.

— реклама —

Рустемовски во полуфиналето, во категоријата до 60 килограми, убедливо го совлада Мутез Бечагра од Алжир со 5:0.

— реклама —

— реклама —

Во финалната борба македонскиот боксер повторно беше доминантен и со идентични 5:0 славеше против Јапонецот Шудаи Харада, кој е петтопласиран на светската ранг-листа, освојувач на петто место на Олимписките игри и актуелен азиски шампион.

— реклама —

На турнирот „Мустафа Талијан“ во Сараево настапија повеќе од 120 боксери од 21 држава од светот.