Пејачот на U2, Пол Дејвид Хусон, попознат како Боно Вокс, откри дека има полубрат за чие постоење не ни знаел со децении.
„Имам уште еден брат, кого го сакам и обожавам“, изјави тој во емисија на радио Би-Би-Си.
Пејачот откри дека за својот полубрат дознал во 2000 година, додавајќи дека тоа е контроверзен случај.
Имено, неговата мајка Ајрис, која починала во 1974 година, не ни знаела дека нејзиниот сопруг и татко на Боно има дете со друга жена.
"Татко ми имаше длабоко пријателство со оваа прекрасна жена, која е дел од нашето семејство, а потоа добија дете. И сето тоа беше тајна", додал Боно.
Откако Боно дознал, разговарал со неговиот татко во 2001 година.
"Го прашав дали ја сакал мајка ми, а тој рече дека да. Прашав како тоа може да се случи. Не се извини. Татко ми очигледно минуваше низ многу, а главата му беше на друго место“, нагласи Боно.
