Поранешниот британски премиер Борис Џонсон во своите мемоари откри дека се обидел да го убеди принцот Хари да не ја напушти Британија и неговите должности како постар член на кралското семејство за да живее во САД со војвотката од Сасекс Меган Маркл.
Џонсон во мемоарите изјави дека во јануари 2020 година, официјални лица од Бакингемската палата и Даунинг стрит верувале дека тој може да го повика принцот Хари да ја напушти ОК.
Поранешниот британски премиер напиша дека од него било побарано да одржи некаков „охрабрувачки говор во машка смисла“, оценувајќи дека е „целосно безнадежен“.
Состанокот, кој траеше 20 минути и на кој не присуствуваа соработниците, се одржа на маргините на инвестицискиот самит Обединетото Кралство и Африка, неколку часа откако принцот Хари одржа говор во кој рече дека чувствува „голема тага“ поради напуштањето на земјата, но дека мисли дека „нема друга опција“, пренесува Политико.
„Борис успеа да обезбеди Брегзит, но ниту тој не можеше да го спречи Мегзит“, цитира Дејли Мејл неименуван пријател на Џонсон.
Терминот Мегзит се користи за да се опише повлекувањето од кралските должности на војводата и војвотката од Сасекс, принцот Хари и Меган Маркл, а овој збор се базира на терминот Брегзит, кој се користи за излез на Велика Британија од ЕУ. Дејли Мејл од сабота во серија ќе ги објавува мемоарите на Џонсон.
