Босанец „летал“ на автопатот Куманово – Скопје со 164 км/ч, каде што дозволената брзина е 80!

Вчера (10 октомври), во 15:20 часот, полициски службеници од Полициската станица за граничен премин Табановце го лишиле од слобода 39-годишниот С.О. од Босна и Херцеговина.

— реклама —

Според информациите од Министерството за внатрешни работи, тој на патниот правец Катланово – Скопје управувал патничко возило со брзина од 164 километри на час, односно повеќе од двојно над дозволеното ограничување.

— реклама —

— реклама —

Лицето е лишено од слобода поради сомнение за сторено кривично дело „безобѕирно управување со моторно возило“, предвидено во член 297-а од Кривичниот законик.

— реклама —

По целосното документирање на случајот, против него ќе биде поднесена соодветна пријава, информираат од МВР.