Божиновски: По 11 години чекање, Охрид конечно ќе добие затворен базен

По повеќе од една деценија чекање, Охрид се подготвува за реализација на проектот за изградба на затворен базен, за кој Владата обезбеди 470 милиони денари. Ова го истакна претседателот на Советот на Општина Охрид, Перчо Божиновски, оценувајќи дека станува збор за капитална инвестиција од големо значење за градот, регионот и македонскиот спорт.

— реклама —

— реклама —

Според Божиновски, проектот започнал во 2015 година, но во изминатиот период не добил соодветна институционална поддршка. Сега, Министерството за спорт ја започнува реализацијата на спортско-инфраструктурниот проект, наменет за младите, спортистите и развојот на пливањето.

— реклама —

Тој упати благодарност до премиерот Христијан Мицкоски за поддршката и определбата капиталните проекти да се реализираат и да им служат на граѓаните.

— реклама —

Божиновски нагласи дека затворениот базен ќе создаде подобри услови за спорт и развој на нови генерации пливачи, посочувајќи дека Охрид заслужува современа спортска инфраструктура.