Бране Петрушевски гостин на шведскиот изборен процес во Стокхолм

Пратеникот и заменик генерален секретар на ВМРО-ДПМНЕ, Бране Петрушевски, викендов престојува во Стокхолм како меѓународен гостин на шведскиот изборен процес, соопшти ВМРО-ДПМНЕ.

— реклама —

Петрушевски во Шведска престојува на покана на Moderaterna и Фондацијата „Јарл Хјалмарсон“, со кои ВМРО-ДПМНЕ има долгогодишна соработка и партнерски односи во рамки на европското семејство на сестрински и партнерски партии.

— реклама —

Во текот на дводневната посета, Петрушевски учествува во програмата посветена на шведскиот изборен процес, а предвидени се и средби и брифинзи со претставници на шведската политика, како и со гости и претставници на политички партии од повеќе европски земји.

— реклама —

Од ВМРО-ДПМНЕ посочуваат дека партијата останува посветена на развивањето партнерства со европските сестрински партии и на размената на искуства и практики за, како што наведуваат, унапредување на демократските процеси и политичкото делување во Македонија.

— реклама —

Партијата изрази благодарност до Фондацијата „Јарл Хјалмарсон“ за поканата и поддршката за престојот на Петрушевски во Стокхолм.