Ниту инфлуенсерката која на јавноста и е позната под псевдонимот Ина Многуфина, не одолеа да ги искоментира владините луксузни цени. Таа немилосдрно удри по функционерите.
„Брашно и чај се луксуз ама бифтеците што ги плаќаме да ги јадат политичарите не се проблем. Цвекло и овесни се луксуз ама патните трошоци ко да се возат од Марс се нужни за да дојдат на работа и да гласаат сложно за да зимаат патни трошоци при станови во Скопје.
Буџетот ќе го пуниме од луксузот на народот ама ако некој го чепне и го собере нема да лежи баш пошо им плативме да дојдат на работа и ги наранивме бифтеци за да го изгласаат законот. 'Нека јадат колачиња'“, искоментира таа.
Реакцијата е само дел од многуте, а по повод воведување на повисок данок за производи, кои Владата ги нарече „луксузни“. Меѓу нив се и основни намирници.
„За чесните стана луксуз да живеат во Македонија“ - лавина реакции откако лутеницата стана кавијар
Негативни коментари и досетки. Вакви од прилика се реакциите за воведувањето на повисок данок на како што вели Владата, луксузни производи, но и на оние кои за нив не се здрави за конзумирање. Не стивнува незадоволството, поради поскапувањето кое се очекува.Урдата доби статус на кавијар, исто како и растителните сирења, млечните намази, павлаката за готвење и мајонезот. Замрзнати теста, брашно, сирење, зденка, кашкавалот од типот гауда и ајдамер… сладолед, чипс, мастики… феферони, лутеница, цвекло, конзервирана храна… компоти, чаеви… Детска храна, гриз, овесни снегулки, еурокрем, бонбони… Тропско овошје, сушено овошје, зачини, црни бибер, сусам, сончоглед… Наполитанки, инстант кафе… Замрзната риба… Се работи за повеќе од илјада производи, кои ќе добијат повисоки цени.„За чесните стана луксуз да живеат во Македонија“, напиша корисник на „X“.„Децата станаа луксуз во Северна“, напиша друг корисник.„Од денес нов ценовен шок. Не знаев дека и брашното било луксуз. Дај бе еднаш оваа некадарна власт нека викне некој асален по економија да ја подучи додека и помине овој пуст, празен мандат.Не соголеа до гола кожа!“, пишува Недопирлива.„Кашкавал стана луксуз, млеко луксуз, овошје луксуз, гриз луксуз, храна за деца луксус. Следно децата ќе бидат луксуз, во северна животот е луксуз, остана само преживување“, напиша Клисарот.И преку фотографии, корисници на социјалните мрежи ја доловуваат суштината.https://twitter.com/OloshMakedonski/status/1710536763293237381„Лутеница е луксузен производ и ќе се даночи дупло, а нивните 4500 СЛУЖБЕНИ автомобили се есенцијално добро и не спаѓаат у луксуз јер зошто секоја секратарка/дупачица на директор у Јавно претпријатие не би добила колица за играње курташак низ град. Држава, синоним за депонија“, коментира Бапчо.https://twitter.com/TheFitzzz/status/1710409157495402952„Апетитов ми е на максимум на денот кога некои полиписмени ликови лупетаат шо е луксуз а шо потреба. Дали тоа универзумот ми вели дека сабајле наместо чорба варено геврече да си апнам“, стои во друг коментар.
Коментари | пред 2 години
