Јавниот сектор во државата лани имал повеќе вработени во споредба со 2017-та. Ова го покажува извештајот на Министерството за информатичко општество и администрација за бројот на работните места во државни институции.
Министерството за информатичко општество и администрација денеска го објави Извештајот за вработени во јавниот сектор за 2018 година. Извештајот содржи информации за структурата на вработените во јавниот сектор.
Бројот на вработени во јавниот сектор заклучно со 31 декември 2018-та година изнесува 132.068. Вработените се распределени во 1.314 институции.
За споредба извештајот од 2017 година, пак, покажува дека во 1.299 институции работеле 128.722 лица, што значи дека во државата се зголемува и бројот на јавни институции и бројот на вработени, односно за една година бројот на буџетарите се зголемил за 3346 вработени.
Министерот Манчевски уверува дека реализираните вработувања биле неопходни бидејќи се пополнувале места каде недостасувал стручен кадар..
Министерот Манчевски вели најавените вработувања во Царинската управа е одлука на институцијата и вели дека постојат отстапки при распишување огласи за вработувања непосредно пред избори доколку за тоа има неопходна потреба.
