Вознемирувачка снимка што се шири на социјалните мрежи прикажува жестока пресметка меѓу поголема група млади лица на улица во Гостивар.
На видеото се гледа како едно од момчињата добива силен удар со нога во главата, по што паѓа на асфалтот и останува да лежи без да се движи.
И покрај тоа, нападот не запира. Според снимката, едно од присутните лица му приоѓа и продолжува да го удира со дрвена прачка, која се крши од силината на ударите.
Во моментов не се познати причините за тепачката ниту каква е состојбата на повреденото момче.
Се очекува Министерството за внатрешни работи да се огласи со официјални информации за инцидентот и да соопшти дали се преземени мерки за утврдување на идентитетот и одговорноста на учесниците.
