Брза реакција на „Охридски комуналец“ по невремето: Расчистени улиците и пешачките зони

Дежурните екипи на ЈП „Охридски комуналец“ брзо интервенираа по денешното невреме што го зафати охридскиот регион, проследено со обилни врнежи од дожд и електрични празнења.

— реклама —

Од јавното претпријатие информираат дека веднаш по влошувањето на временските услови биле ангажирани сите расположливи човечки ресурси со цел санирање на последиците и нормализирање на состојбата на терен.

— реклама —

Екипите интервенирале на повеќе локации низ градот каде што невремето предизвикало проблеми, при што се вршело расчистување на наносите од песок и земја, како и чистење на сливниците за непречено одведување на атмосферските води. По завршувањето на овие активности, било пристапено и кон машинско миење на погодените површини.

— реклама —

Од ЈП „Охридски комуналец“ истакнуваат дека благодарение на брзиот и посветен ангажман на вработените, состојбата за кратко време била ставена под контрола.

— реклама —

„Пешачките зони и коловозите се расчистени и повторно проодни“, информираат од претпријатието, нагласувајќи дека и понатаму остануваат подготвени да интервенираат доколку временските услови повторно предизвикаат проблеми во градот.