Бугарија го регистрира првиот случај на западнонилска треска годинава

Првиот случај на западнонилска треска годинава е регистриран во Бугарија, соопшти Националниот центар за борба со заразни болести.

— реклама —

Станува збор за 63-годишен пациент од Пловдив, кај кого по летниот одмор на Црното Море се развиле невролошки компликации. Инфекцијата официјално била регистрирана во периодот од 17 до 23 август.

— реклама —

— реклама —

Мажот кон крајот на јули побарал медицинска помош поради болки во мускулите, кашлица и треска. Една недела подоцна бил хоспитализиран поради симптоми слични на грип, а кон средината на август неговата состојба се влошила и се појавиле невролошки компликации, поради што бил префрлен на невролошко одделение.

— реклама —

За споредба, во текот на целата 2025 година во Бугарија биле регистрирани вкупно 31 случај на западнонилска треска.