Бугарија избира претседател: Фаворитката порачува дека не ѝ треба коалиција за војна, туку за мир

Бугарија в недела избира претседател на избори на кои главни теми се безбедноста, војната во Украина и односите со Русија. Изборната кампања се одвива во услови на зголемени тензии во Црното Море, откако во серија напади со беспилотни летала биле погодени четири трговски брода во бугарската исклучива економска зона. Два брода потонале, а 21 морнар се води како исчезнат.

Бугарскиот премиер Румен Радев, кој се залага за дијалог со Москва, на 13 октомври ја повикал руската амбасадорка на разговор. Иако неговата влада смета дека нападите им одат во прилог на руските интереси, нагласува дека засега нема доволно докази за официјално да ѝ се припише одговорност на Русија.

— реклама —

Според анкетите, фаворит на изборите е актуелната претседателка Илијана Јотова, блиска соработничка на Радев. Таа ја презела претседателската функција во јануари, откако Радев поднел оставка за да учествува на парламентарните избори, по кои станал премиер.

— реклама —

Јотова, поранешна новинарка и европратеничка од редовите на социјалистите, според анкетата на институтот „Маркет линкс“ објавена во средата, има поддршка од 47,3 проценти од испитаниците. Нејзиниот главен противкандидат, Андреј Ѓуров, поддржан од прозападната опозиција, има 30,6 проценти.

На изборите учествуваат 27 кандидати, а се очекува излезноста да биде под 40 проценти. Доколку Јотова победи во вториот круг, закажан за 1 ноември, ќе стане првата жена избрана за претседател на Бугарија.

— реклама —

Јотова ја гради кампањата врз повиците за национално единство, борба против сиромаштијата и завршување на војната во Украина, претставувајќи се како кандидатка за мир. Иако не го доведува во прашање членството на Бугарија во Европската Унија и НАТО, таа се противи на продолжувањето на воената помош за Киев и бара преговори меѓу Украина и Русија.

„Не ни треба Коалиција на подготвените за Украина, туку Коалиција за мир во Украина“, изјавила Јотова на предизборен собир, критикувајќи ја иницијативата на европските држави што ја поддржуваат Украина.

Нејзиниот противкандидат Ѓуров, поранешен вицегувернер на Бугарската народна банка и поранешен вршител на должноста премиер, застапува цврста евроатлантска ориентација. Тој ја критикува надворешната политика на Радев, нагласувајќи дека дипломатијата е неопходна, но не може да ги замени одбранбените капацитети