Бугарија крева раце од блокадите за Македонија, за шест месеци ќе бил решен спорот

Непосредно пред изборот новиот бугарски премиер во интервју за угледниот Фајненшлм, Тајмс најавува дека спорот ќе се реши за шест месеци.

— реклама —

Весникот коментирајќи ја изјавата на Петков дека ќе предложат нов процес со Македонија, многу брз со ограничена верменска рамка не подолго од шест месеци,оценува дека тоа е сигнал за крај на опструкциите на Бугарија за почеток на преговорите на Македонија со ЕУ.

— реклама —

Како што денеска објавуваат бугарските медиуми приближувањето на Скопје и Софија согласно владината надворешна политика се гледа преку продолжувањето на работата на заедничката историско образовна комисија, а првиот чекор на надградената позиција се заеднички групи што ќе работат најмалку еднаш месечно, и тоа за повеќе прашања..Бугарскиот премиер за ова зборуваше и денеска во контекст на телефонската честитка за неговиот избор упатена од Заев.

— реклама —

-Вчера добив повик од господинот Заев да ми честита за функцијата и разговаравме дека идејата за работните групи ќе биде структуирана што е можно поскоро, се надевам до јануари - да ја вклучуваат културата, инфраструктурата и економијата како дополнување на историјата- , изјави Кирил Петков-премиер на Бугарија.

— реклама —

И Заев објави дека со Петков се согласиле да продолжат да работат на изнаоѓање на прифатливо решение за деблокирање на почетокот на преговорите на Македонија во ЕУ и за нов позитивен импулс за јакнење на билатералните односи мегу двете земји.