Бугарски државјанин уапсен на „Богородица“, осомничен за фалсификување исправа

Бугарски државјанин е лишен од слобода на граничниот премин „Богородица“ поради сомнение дека сторил кривично дело „фалсификување исправа“, соопшти Министерството за внатрешни работи.

— реклама —

Според МВР, на 2 октомври во 09:50 часот, полициски службеници го лишиле од слобода И.А.И. (58) од Бугарија, поради основано сомнение за сторено кривично дело „фалсификување исправа“ по член 378 од Кривичниот законик.

— реклама —

— реклама —

За случајот бил известен јавен обвинител, а бугарскиот државјанин бил предаден во Полициската станица Гевгелија.

— реклама —

Од МВР најавуваат дека по целосно документирање на случајот ќе биде поднесена соодветна пријава.