Три лица пријавиле физички напади по инцидент што се случил во дом во Пехчево, во текот на ноќта меѓу 3 и 4 септември.
Од МВР информираат дека на 4 септември во 18:40 часот, 68-годишна жена од Пехчево пријавила дека во периодот од 00:23 до 01:00 часот, додека во нејзиниот дом разговарала со 43-годишен маж од Пехчево, дошла неговата 37-годишна сопруга.
Според пријавеното, жената се однесувала агресивно и физички ја нападнала 68-годишната жена. Потоа, 43-годишниот маж физички ја нападнал својата сопруга.
Подоцна, и 37-годишната жена пријавила дека била физички нападната од својот сопруг.
Полицијата презема мерки за целосно расчистување и документирање на случајот.
