Чад над дипломатската мисија во Кувајт, Вашингтон предупредува на трајна закана

Американската амбасада во Кувајт била погодена од дронови, изјавиле три дипломатски извори за агенцијата Франс прес, откако над дипломатската мисија бил забележан густ чад.

— реклама —

Еден дипломат од Кувајт и еден западен дипломат, кои побарале анонимност, изјавиле дека зградата на амбасадата била оштетена во напад изведен со повеќе беспилотни летала. Втор дипломат од Кувајт посочил дека објектот бил директно погоден.

— реклама —

Допишник на Франс прес видел чад што се издига над мисијата, во трет ден од иранските одмазднички напади врз земјите од Заливот. Во меѓувреме, американската амбасада упатила апел граѓаните да не доаѓаат во објектот, предупредувајќи на „трајна закана од ракетни и напади со беспилотни летала над Кувајт“.

Одделно, американската амбасада во Аман соопшти дека привремено го евакуирала персоналот поради неспецифицирана закана.

— реклама —

„Од крајна претпазливост, целокупниот персонал привремено го напушти комплексот на амбасадата поради закана“, се наведува во безбедносното предупредување објавено на социјалните мрежи.

Инцидентите се случуваат во услови на ескалација на конфликтот во регионот и засилени напади и контранапади меѓу Иран и сојузниците на САД на Блискиот Исток.