Целосно изгоре „мерцедес“ во Аеродром, огнот зафатил и друго возило

Пожар што избувнал во скопската општина Аеродром целосно уништил патнички автомобил „мерцедес“, а огнот зафатил и уште едно возило. Во инцидентот нема повредени лица.

— реклама —

Според информациите од Министерството за внатрешни работи, на 15 октомври 2026 година, околу 02:55 часот, во СВР Скопје бил пријавен пожар на подрачјето на општина Аеродром. Целосно било опожарено возило „мерцедес“ со скопски регистарски ознаки, сопственост на правно лице, кое го паркирал 43-годишниот С.Т. од Скопје.

— реклама —

— реклама —

Од пожарот било зафатено и возило „опел астра“, исто така со скопски регистарски ознаки, сопственост на 43-годишниот И.Р. од Скопје.

Пожарот бил изгаснат од Бригадата за противпожарна заштита на Скопје. Од МВР информираат дека се преземаат мерки за расчистување на случајот.