Целосно затворена крстосницата „Скупи“ – „Љубљанска“, возилата се пренасочуваат

Крстосницата меѓу улиците „Скупи“ и „Љубљанска“ во Скопје е целосно затворена за сообраќај поради активности за поставување нови светлосни сигнали. Возилата се пренасочуваат по околната улична мрежа, а изменетиот режим ќе важи до завршувањето на работите.

— реклама —

Екипите на ЈП „Улици и патишта“ утрово во 8 часот започнале со демонтажа на семафорските портални и обични столбови, како и на постојната семафорска опрема.

— реклама —

— реклама —

Од претпријатието информираат дека на приодите ќе биде поставена соодветна сообраќајна сигнализација, а нивни екипи ќе го регулираат движењето на терен.

— реклама —

Возачите се повикуваат да бидат трпеливи, да ги почитуваат поставените знаци и упатствата на службените лица и да се приспособат на привремениот режим на сообраќај.