Четири лица се затруле во хотелски базен во Охрид

Продорен мирис на хлор и зголемено испарување од базенот почувствувале четири лица кои вчера се затруле во базен на хотел во Охрид.

— реклама —

Како што информираат од СВР Охрид, случајот бил пријавен вчера попладне, околу 17:31 часот. Поради силната миризба и густата пареа, гостите почнале интензивно да кашлаат, по што биле пренесени во Општата болница во Охрид. Од таму е потврдено дека тие се во стабилна состојба и се надвор од животна опасност.

— реклама —

— реклама —

Од преземените мерки било утврдено дека дошло до технички проблем во системот за циркулација на водата во базенот, по што овластена фирма извршила замена на неисправниот дел од системот.

„Се преземаат мерки за целосно расчистување и документирање на настанот, по што ќе следува соодветна пријава“, изјави портпаролот на СВР Охрид, Стефан Димоски.