Во текот на изминатите два дена се регистрирани повеќе сообраќајни несреќи на различни локации низ државата, во кои неколку лица се здобиле со тешки телесни повреди, а увид на сите места извршиле полициски екипи.
На 19.04.2026 во 08:50 часот во СВР Скопје е пријавено дека во с.Долно Свиларе, скопско, патничко возило „фолксваген туран“ со скопски регистарски ознаки, управувано од З.Ј.(20), излетало од патот и удрило во бетонски столб. Во несреќата со тешки телесни повреди се здобила малолетна сопатничка, додека возачот и уште еден малолетен сопатник се здобиле со телесни повреди, констатирани во Комплекс клиники „Мајка Тереза“ во Скопје. Извршен бил увид од увидна екипа од СВР Скопје.
Истиот ден, во 18:40 часот во СВР Скопје е пријавена сообраќајна несреќа на крстосницата од ул. „Киро Фетак“ и сервисна улица, помеѓу патничко возило „пежо“, управувано од Е.Р.(34) од с.Трубарево и мотоцикл „бмв“, управуван од Г.И.(48) од Скопје. Во несреќата со тешки телесни повреди се здобил мотоциклистот, констатирани во Ургентниот центар при Комплекс клиники „Мајка Тереза“. Извршен бил увид од СВР Скопје.
На 20.04.2026 околу 01:00 часот во СВР Куманово е пријавено дека на крстосницата од ул. „Моша Пијаде“, плоштад „Маршал Тито“ и ул. „Иво Лола Рибар“ во Куманово, Х.З.(19), управувајќи мопед, изгубил контрола и удрил во метален столб. Во несреќата возачот се здобил со тешки телесни повреди, констатирани во Општата болница во Куманово. Увид извршила екипа од СВР Куманово.
Претходно, на 19.04.2026 околу 17:25 часот во ОВР Неготино било пријавено дека на автопатот Неготино–Градско, М.В.(42) од Скопје, управувајќи мотоцикл, излетал од коловозот. Во несреќата се здобил со тешки телесни повреди, констатирани во Општата болница во Велес. Извршен бил увид од увидна екипа од ОВР Неготино.
