Четирицикл излета од патот кај Лисец, 20-годишник тешко повреден

Двајца млади се повредени во сообраќајна несреќа што се случила синоќа на патот кај тетовското село Лисец, откако четирицикл излетал од коловозот.

— реклама —

Како што информира Министерството за внатрешни работи, на 5 јули во 21:24 часот од Клиничката болница во Тетово било пријавено дека кај нив за укажување лекарска помош биле донесени две повредени лица.

— реклама —

По извршените проверки, полициски службеници утврдиле дека четирицикл управуван од Ф.М. (20) од селото Пирок, на кој како сопатник бил А.Х. (19), исто така од Пирок, излетал од коловозот.

— реклама —

Во несреќата возачот се здобил со тешки телесни повреди и поради сериозноста на повредите бил префрлен во Комплексот клиники „Мајка Тереза“ во Скопје. Сопатникот се здобил со телесни повреди.

— реклама —

Увид на местото на несреќата извршила екипа на СВР Тетово.