Четири активни пожари во Македонија: Горe шума и ниска вегетација

Центарот за управување со кризи информира дека до 13 часот денеска се регистрирани вкупно 13 пожари на отворен простор. Од нив, четири се активни, пет се ставени под контрола, а четири се целосно изгаснати.

— реклама —

Активни се пожарите во општина Струга, на потегот Буринец – Локов – Селце – Елевци, каде што гори високостеблеста шума; во општина Македонски Брод, кај селото Белица и месноста Кајорец, каде што е зафатена нискостеблеста и мешана шума; во општина Чучер-Сандево, кај селото Брест и месноста Рамно, каде што гори мешана шума, како и во општина Крива Паланка, кај селото Осиче, каде што е зафатена ниска вегетација.

— реклама —

Под контрола се пет пожари. Тие се регистрирани кај селото Бенче во Македонски Брод, во Тајмиште и Кнежино во општина Кичево, кај селото Грачани во општина Ѓорче Петров и на градската депонија во Делчево.

— реклама —

Во текот на денот се изгаснати четири пожари – кај дивата депонија во Враништа и депонијата во Радолишта во општина Струга, во населбата Перо Чичо во Куманово и на локалитетот Железни Мост во општина Карпош.

— реклама —

Надлежните служби продолжуваат со следење на состојбата и интервенирање на местата каде што пожарите сè уште се активни.