Четворица лишени од слобода во Тетово, полицијата пронашла дрога

На подрачјето на Тетово и околните населени места, во текот на ноќта биле лишени од слобода четири лица кај кои полициски службеници пронашле марихуана и различни прашкасти материи, соопшти МВР.

— реклама —

На 11 септември во 20:45 часот, во село Боговиње, полициски службеници сопреле автомобил „голф“ управуван од 24-годишниот А.Д. од село Челопек. При прегледот кај него била пронајдена и одземена марихуана, по што бил лишен од слобода.

— реклама —

Два часа подоцна, во 22:00 часот, во Тетово бил лишен од слобода 44-годишниот Л.П. од Тетово. При прегледот кај него била пронајдена најлонска кесичка со кафеава прашкаста материја.

Во 23:20 часот, пред угостителски објект во село Боговиње, полицијата го лишила од слобода и 32-годишниот Н.С. од село Здуње, кој управувал автомобил „бмв“ со швајцарски регистарски ознаки. При прегледот кај него била пронајдена кесичка со бела прашкаста материја.

— реклама —

Последниот случај бил регистриран во Тетово на 12 септември во 00:40 часот. Полициски службеници го лишиле од слобода 21-годишниот Т.Ј. од село Бозовце, кај кого била пронајдена и одземена марихуана.

— реклама —

Четворицата се задржани во полициска станица. Од МВР информираат дека по целосното документирање на случаите против нив ќе следуваат соодветни поднесоци.