Четворица повредени во сообраќајка на патот Гостивар-Кичево

Четири лица се повредени во сообраќајна несреќа што се случила вчера попладне на магистралниот пат Гостивар-Кичево.

— реклама —

Според информациите од МВР, несреќата била пријавена во 18:20 часот во ОВР Кичево, а во неа учествувале патничко возило „шаран“ со скопски регистарски ознаки, управувано од 26-годишниот Д.Р. од Скопје, и патничко возило „рекстон“ во сопственост на МВР.

— реклама —

— реклама —

Во несреќата со телесни повреди се здобиле сопатниците во „шаран“ – У.Ж. (67), У.Ж. (70) и Л.Т. (44), сите од струшкото село Велешта, како и Б.А. (22) од Скопје. Повредите биле констатирани во Медицинскиот центар во Кичево.

Увид на местото на несреќата извршила увидна екипа на ОВР Кичево.